ငွေကြေးလိမ်လည်မှု နဲ့ ထောင်ဒဏ် (၁) နှစ် ကျခံနေရတဲ့ သရုပ်ဆောင် မေသန်းနု ဟာ ဒီကနေ့ ၊ ဇူလိုင် (၁) ရက်နေ့ မှာ အင်းစိန်ထောင်ကနေ ပြန်လည် လွတ်မြောက်လာပြီ ဖြစ်ကြောင်း ခင်ပွန်းဟောင်း ဖြစ်သူ ဒါရိုက်တာ စင်ရော်မောင်မောင် ရဲ့ Facebook စာမျက်နှာမှာ ရေးသားဖော်ပြထားပါတယ်။
သရုပ်ဆောင် မေသန်းနု ကို တရားလို ဒေါ်စန်းစန်းမြင့် က ငွေ ကျပ်သိန်း (၄၀၀) လိမ်လည်ယူတယ် ဆိုပြီး ရန်ကုန်၊ ရန်ကင်း မြို့နယ်တရားရုံးမှာ လိမ်လည်မှု ပုဒ်မ (၄၂၀) ဖြင့်၂၀၁၆ ခုနှစ် က တရား စွဲဆိုခဲ့တာဖြစ်ပါတယ်။အမှုမှာ ပြစ်မှု ထင်ရှားတဲ့အတွက် ဇန်နဝါရီလ (၂) ရက်နေ့ က ထောင်ဒဏ် တစ်နှစ် ကျခံစေရန် အမိန့်ချမှတ်ခဲ့တာ ဖြစ်ပါတယ်။
By Myanmar Celebrity #MyanmarActress #MayThanNu
