လူရွှင်တော် ဒိန်းဒေါင် ရဲ့ သမီး ဒိန်းပိုပိုဒေါင် က ဗေဒင်ဆရာ အောင်ချစ်ပို ကို ပုဒ်မ (၂) ခု ဖြင့် စမ်းချောင်းမြို့နယ်၊စမ်းချောင်း မြို့မရဲစခန်းမှာ ဖေဖော်ဝါရီလ (၇) ရက်နေ့က အမှုဖွင့် တိုင်ကြားခဲ့ပါတယ်။ သူမက ရာဇသတ်ကြီးပုဒ်မ ၃၅၄ (အမျိုးသမီးအပေါ် ကာယိန္ဒြာ ပျက်စီးစေရန် အကြံနဲ့ လက်ရောက်မှု ကျူးလွန်ခြင်း) ၊ ၅၀၉(အမျိုးသမီးအပေါ် ကာယိန္ဒြာ ပျက်စီးရန် ရည်ရွယ်ပြီး စကား (သို့) ကိုယ် အမူအရာ ပြုလုပ်မှု) တို့နဲ့ တိုင်ကြားခဲ့တယ်လို့ သိရပါတယ်။
“အခုပုဒ်မက (၂) ခုပါ ။ နှုတ်ဖြင့်ရယ်၊ ကိုယ်ထိလက်ရောက်ရယ်ပေါ့။ မအော်ဘူးဆိုတာက အကြောင်းပြချက် ရှိတယ်။ သူကပြောရင် အသက်အန္တရာယ် နဲ့ဖြစ်စေ ၊ စာမေးပွဲဖြေတဲ့အချိန်ပဲဖြစ်စေ စာမေးပွဲကျမယ်။ အချစ်ရေးဆိုရင်လည်း မကောင်းဘူးပေါ့ ။ အဲ့တုန်းက ကလေးဆိုတော့ အချစ်ရေးတွေ ဘာတွေလည်းမေးတယ်လေ။ အဲ့တော့ ကျရှုံးမယ်တွေ ဘာတွေပြောတာပေါ့။ အဲ့လိုခြိမ်းခြောက်လို့ မအော်ခဲ့တာပါ။ ဖေကြီးကလည်း စိုးရိမ်နေတယ် ။ အဖေကြီးကလည်း တစ်ကယ်တန်းဖြစ်လာမယ်ဆိုရင် ပိုပို့ဘက်ကနေပြီး အဆုံးထိ ပါဝင်ပြီးတော့ လုပ်ဆောင်ပေးမယ်လို့ပြောပါတယ်။ တစ်ချို့က မိသားစုကိစ္စ နဲ့ ကျောင်းတတ်နေတာနဲ့ မအားလို့ မလိုက်လာတဲ့ အစ်မတွေလည်း ကျန်ပါသေးတယ် ။ ညီမ အပါအ၀င်အားလုံးပေါင်း (၇)ယောက်ပါ ” လို့ သူမကပြောပါတယ်။
#MyanmarCelebrity #DaingPoPoDaung
