၂၀၁၇ခုနှစ် မြန်မာ့ရုပ်ရှင်ထူးချွန်ဆုပေးပွဲ ကို အခုလာမယ့် မတ်လမှာ ပြုလုပ်တော့မှာပဲဖြစ်ပါတယ် ။ ဒီနှစ် အပြိုင်အဆိုင်ပြင်းထန်မယ့် အကယ်ဒမီစာရင်းဝင် ဇာတ်ကား (၅၃) ကား ပေါ်ထွက်လာပါပြီ ။ အကယ်ဒမီ ဇာတ်ကား (၅၃)ကားထဲက မှ MyanmarCelebrity ပရိသတ်ကြီးအတွက် ပထမဦးဆုံး ဇာတ်ကား(၃)ကား ရဲ့ ဇာတ် ၀င်ခန်းတွေ ကို အမှတ်တရကြည့်ရှုနိုင်ဖို့ ရွေးချယ်တင်ဆက်လိုက်ပါတယ်။ ဒီဇာတ်ကားတွေကတော့ ပက်ပက်စက်စက်ညှို့ ၊ တောကျီးကန်း နဲ့ သူငယ် ရုပ်ရှင်ဇာတ်ကားတွေပဲ ဖြစ်ပါတယ်။
"တောကျီးကန်း - (ခိုးဆိုးလုနှိုက် ၂)" ရုပ်ရှင်ဇာတ်ကားကို ဒါရိုက်တာ စတီးလ် (ဒွေးမေတ္တာ) ကရိုက်ကူးထားပြီး ၊ သရုပ်ဆောင်မြင့်မြတ် ၊ ခင်လှိုင်၊ ထူးခြား ၊ မိုးဟေကို နှင့် အနုပညာရှင်များက ပါဝင်ထားတာပဲ ဖြစ်ပါတယ်။
"သူငယ်" ရုပ်ရှင်ဇာတ်ကားကို ဒါရိုက်တာ အရုဏ်ဦး ပွင့်သိင်္ဂီဇော် က ရိုက်ကူး ပုံဖော်ထားတာဖြစ်ပြီး၊ ရန်အောင်၊ ရဲအောင်၊ မင်းဦး၊ ကျော်ထက်အောင်၊ စိုးမြတ်သူဇာ၊ ထွန်းအိန္ဒြာဗို၊ ခိုင်သင်းကြည် နှင့် မာရီကိုးလ် တို့က အဓိကပါဝင် သရုပ်ဆောင် ထားကြပါတယ်။
ပက်ပက်စက်စက်ညို့ ရုပ်ရှင်ဇာတ်ကားကို ဒါရိုက်တာ သားညီ က ရိုက်ကူးထားတာဖြစ်ပြီး သရုပ်ဆောင် နေတိုး ၊ ရွှေထူး ၊ မိုးစက်ဝိုင် နှင့်အတူ အနုပညာရှင်များစွာ ပါဝင်သရုပ်ဆောင်ထားကြတာပဲ ဖြစ်ပါတယ်။
#MyanmarCelebrity #MyanmarAcademy
